Carpe Noctem

Ми се роди внуче!

2006-04-18T14:21:00.000+02:00

Денес е еден од најубавите денови во мојот живот..., ден исполнет со многу емоции. Невозможно е со зборови да се искаже она чувство кое ти трепери во душата и ти го обзема целото битие. Само посакувам секој жив човек на Земјава да ја доживее оваа блажена среќа и да ја сподели со другите. Тогаш ќе ја разберете смислата на своето постоење кога во своите раце ќе го земете тоа малечко суштество на кое вие сте му го подариле животот.
Храбри се оние кои што сакаат, а кукавиците чекаат да бидат сакани.
Бидете храбри! Подарете љубов...
на сите околу вас.

Женски правила за мажите

2006-04-03T17:00:00.000+02:00

Јави се.
Не лажи.
Никогаш не врзувај ги кои и да било делови од нејзиното тело заедно.
Ако вечерното излегување на момчињата се движи во насока дека ќе биде забавно, повикајте ги девојките.
Точниот одговор за „Дали изгледам дебело?“ никогаш не е „Да.“
Исто така и за „Дали е таа поубава од мене?“
Victoria's Secret е добро. Frederick's of Hollywood е лошо.
Нарачувањето за неа е добро. Да и’ кажуваш што таа сака е лошо.
Да се биде внимателен е добро. Скришното следење е лошо.
„Драга“, „Љубена“ и „Мила“ се добри. „Дрдорка“, „Дебелогазеста“ и „Кучка“ се лоши.
Разговарањето е добро. Викањето е лошо. Удирањето е престап.
Гровтањето е ретко прифатлив одговор на некое прашање.
Ниедна од твоите бивши девојки никогаш не била попријатна, поубава, или подобра во кревет.
Нејзиното готвење е одлично.
Тоа не е оправдување за тебе да го избегнуваш готвењето.
Средството за миење чинии е твојот пријател.
Капа не е еднакво на туш, балсам после бричење не е еднако на сапун, и топло не е еднакво на чисто.
Да ја почестиш вечера не е еднакво на предигра.
Одговарајќи на „Кој беше тоа на телефон?“ со „Никој“ никогаш нема да го заврши тој разговор.
Исто така и за „Чиј кармин е овој?“
Два збора: чисти чорапи.
Верувал или не, веројатно не си повеќе привлечен кога си целиот испотен.
Ждригањето не е секси.
Ти не си во право.
Како да не ти било жал?
Таа е најверојатно многу помалку импресионирана од тоа колку твојата кола била cool, отколку што тебе ти се чини.
Исто така и за твоите предавања за фудбалот.
Исто така и за твоите способности да скокнеш и да погодиш право во олукот со камче. Од прва.
„Дали ќе се омажиш за мене?“ е добро. „Ајде да се муваме“ е лошо.
Немој да претпоставуваш дека ПМС е причина за секое лошо расположение.
Не претпоставувај дека ПМС не постои.
Не значи Не. Да значи Да. Тишината може да значи било што, она што таа го чувствува во дадениот момент и може да се промени без претходно известување.
Никогаш не ја шетај било каде сама по 23 часот.
Кавалерството и феминизмот не се исклучуваат едно со друго.
Земи ја од аеродром. Немој да мрчиш, само стори го тоа.
Ако сакаш да раскинеш со неа, раскини. Немој да се однесуваш како комплетна будала додека таа тоа не го направи за тебе.
Немој да и’ велиш дека ја сакаш ако не ја сакаш.
Кажи и’ дека ја сакаш ако ја сакаш. Често.
Секогаш, секогаш вовлекувај и’ се на нејзиниот брат.
Размислувај за боксерки. Свилени боксерки.
Сети се на Денот на заљубените и на секоја друга годишнина која таа често ја спомнува.
Не се обидувај да го смениш нејзиниот стил на облекување.
Нејзината фризура никогаш не е лоша.
Не им дозволувај на твоите пријатели да се потсмеваат со неа.
Правилата никогаш не се фер. Прифати ги овие без поговор. Фактот дека таа минува низ породувањето додека ти седиш во чекалната и пушиш цигари, исто така не е фер, но тоа ги балансира работите.

Link: Women's Rules for Men.

Машки правила (кои жените треба да ги знаат)

2006-03-18T17:43:00.000+01:00

Жени, научете како функционира седиштето на клозетската шолја. Вие сте големи девојки. Ако е горе, спуштете го долу. Нас ни треба горе, Вас ви треба долу. Ние никогаш не се жалиме дека сте го оставиле долу.
Родендените, Денот на заљубените и Годишнините не ги сфаќаме како поволна пригода во која ќе можеме да го пронајдеме совршениот подарок... повторно!
Понекогаш не мислиме на Вас. Прифатете го тоа!
Недела = спорт. Тоа е како полната месечина или како менувањето на годишните времиња. Нека биде така.
Не ја шишајте косата. Никогаш. Долгата коса е секогаш попривлечна од кратката. Една од најголемите причини од кои мажите се плашат да се оженат е таа дека омажените жени секогаш ги шишаат своите коси, а до тогаш веќе сме заглавиле со неа.
Барај го тоа што го сакаш. Фините сугестии не палат! Силните сугестии не палат! Очигледните сугестии не палат! Само кажи го!
Не ги паметиме датумите... Точка!!
Повеќето момчиња имаат три пара чевли - најмногу. Па што ве тера да мислите дека ние би можеле подобро да избереме кој пар, од триесет пара чевли, би изгледал најдобро со вашиот фустан?
Да и Не се сосема прифатливи одговори на речиси сите прашања.
Дојдете кај нас ако имате проблем само ако сакате да ви помогнеме да го решите. Ние го правиме тоа. За сожалување ги имате своите другарки.
Главоболката која трае 17 месеци е проблем. Одете на доктор.
Се’ што сме кажале пред 6 месеци е недопустливо да се искористи во расправа. Всушност, сите коментари стануваат неважечки и се поништуваат после 7 дена.
Ако не се облекувате како девојките од Victoria's Secret, не очекувајте од нас да се однесуваме како момчињата од сапунските серии.
Ако мислите дека сте дебели, тогаш сигуро сте. Не прашувајте не’ нас. Сме биле измамени претходно!!
Ако нешто што сме го кажале може да се толкува двосмислено, а еден од начините ве прави тажни или лути, ние го мислиме она другото.
Оставете не’ да зјапаме. Ние секако пак ќе погледнеме; тоа е генетско.
Можете или да не’ замолите да направиме нешто или кажете ни како сакате да биде направено. Не двете. Ако веќе знаете како најдобро да го направите нештото, направете го самите.
Секогаш кога е возможно, ве молиме кажете го тоа што имате да го кажете за време на рекламите.
На Кристофер Колумбо не му требаа упатства, па ниту нас ни требаат.
Нашата врска никогаш нема да биде иста како што беше во првите два месеца кога сме почнале да излегуваме. Прифатете го тоа. И престанете да им лелекате на вашите другарки.
Сите мажи гледаат само 16 бои, како компјутерски зададената опција на Windows (Windows default settings). Праската, на пример, е овошје. Тиквата исто така е овошје. Немаме поим што е тоа бежова боја.
Ако ме чеша, ќе биде почешано. Ние го правиме тоа.
Ние не сме „читатели на мисли“ и никогаш нема да бидеме. Нашиот недостаток за вештината на читањето на мислите не е доказ за тоа колку малку ни е гајле за вас.
Ако ве прашаме што не е во ред и вие речите „ништо“ ние ќе се однесуваме како ништо да не било. Знаеме дека не’ лажете, ама не е доволно вредно за да се расправаме за тоа.
Ако поставите прашање на кое не сакате да добиете одговор, очекувајте одговор каков што не сакате да слушнете.
Не прашувајте не’ на што мислиме освен ако не сте подготвени да дискутирате на теми како што се влакната околу папокот, пукање со сачмарка или monster truck егзибиции.
Странските филмови е најдобро да се остават на странците. (Освен ако не е Брус Ли или некој друг филм со боречки вештини каде всушност и не е важно што тие кажуваат во секој случај.)
Пивото е возбудливо за нас како што се ташните за вас.
Ти благодарам што го прочита ова... Да, знам дека ќе морам да спијам на каучот вечерва, но дали знаеш дека е како кампување?

Link: Men's Rules (that women should know).

BMW

2006-02-17T21:13:00.000+01:00

Зошто и јас немав вакво кога бев мала? Додуша, се имам возено во слично како мала, ама тоа беше со само еден horse power - мојот!

Абе BMW си е BMW !

Carpe Noctem

2005-10-07T15:54:00.000+02:00

Како жените се снаоѓаат со информатиката?!

2005-08-05T00:57:00.000+02:00

Денес жените имаат сериозен проблем со компјутерите. Не зборувам само за „плавушите“ кои ги бришат своите грешки на мониторот со коректор или кои оставаат стапалки на мониторот трудејќи се малку да „прошетаат“ низ интернет, туку СИТЕ жени. Некако информатиката нам ни изгледа премногу комплицирана. Ни ги замара непотребно нашите вијуги во мозокот, кои инаку се две на број (едната за шминка и облека, а другата за озборување), а ние имаме толку многу поважни работи за кои се грижиме. Затоа таа супериорна и комплексна работа со драго срце им ја препуштаме на мажите (па нели тие треба да бидат посилниот пол?!), бидејќи многу тешко можеме да се здобиеме со титулата ПРОГРАМЕР (машки род).

Сепак има жени кои храбро се борат за свое место во информатичките води и кои се делат во неколку категории:

ЖЕНА INTERNET - Тешко достапна жена.
ЖЕНА SERVER - Постојано зафатена кога ти е потребна.
ЖЕНА WINDOWS - Сите знаат дека таа не функционира, ама никој не може да живее без неа!
ЖЕНА DOS - Сите ја користеле, барем еднаш во животот, ама никој повеќе не ја сака!
ЖЕНА BACKUP - Верувате дека го поседувате сето она што може да ви затреба, ама во круцијален момент сфаќате дека нешто недостасува.
ЖЕНА SCANDISK - Знаеме дека е добра и дека навистина сака да ни помогне, ама никој не знае што таа навистина работи.
ЖЕНА SCREENSAVER - Не служи за ништо, ама барем е забавна!
ЖЕНА HARD DISK - Се сеќава на се'. Засекогаш!
ЖЕНА MOUSE - Работи само ако ја тепаш и малтретираш.
ЖЕНА MULTIMEDIA - Прави се да изгледа многу убаво.
ЖЕНА PASSWORD - Мислиш дека си единствениот кој ја познава, ама всушност ја познава половина свет!
ЖЕНА MP3 - Сите сакаат да ја скинат!
ЖЕНА CPU - Однадвор изгледа како да има се', ама внатре е празна.
ЖЕНА MONITOR - Со неа животот го гледаш со блескави бои.
ЖЕНА CD-ROM - Секој ден е се' побрза.
ЖЕНА DATA WAREHOUSING - Ти овозможува да пратиш се', освен она што навистина те интересира.
ЖЕНА E-MAIL - Од десет работи кои ти ги кажува, осум се потполна глупост!
ЖЕНА VIRUS - Позната е и под името сопруга; Кога најмалку очекуваш, таа се појавува, се инсталира и ги присвојува сите ресурси. Ако пробаш да ја деинсталираш - губиш нешто, ако не пробаш - губиш се'.

Само еден пат

2005-06-19T14:09:00.000+02:00

КРСТОПАТ

Човеку,
зошто солза
го поматува твојот поглед?

Зарем се уплаши
од една мала крвава рана?

Храбро изрини го ножот
од своите гради!

Низ животот без лузни не се минува,
зошто само тие остануваат
како вечен доказ
на твоето постоење.

Ајде веќе еднаш
твојот болен врисок замени го
со весел насмев!

Во животот се паметат
само убавите спомени,
зошто сите остануваат глуви
пред туѓите офкања.

Исправи се гордо и тргни
кон таинствената иднина
на својот сон!

Животот без сништа не е вреден
да се живее,
зошто без нив, за другите,
веќе одамна си мртов.

Дали добро ги разбра моите зборови?!

Судбината сега е во твоите раце!

Пред тебе се раѓа
овој крстопат
од кој нема излез.

Постојат само два пата:
- оној што си го изодел и
- оној што треба понатаму да се чекори!

Патот зад тебе
е еднаков на смрт,
а тој пред тебе
ветува живот.

Кажи ми,
го одбра ли својот пат?!

Или засекогаш
ќе останеш на овој мрачен КРСТОПАТ?

Скопскиот саем

2005-06-14T12:08:00.000+02:00

Во изминатите денови, во градот Скопје од 07-11.06.2005 беше одржан 55-иот MEЃУНAРOДEН СKOПСKИ СAEM - ITF 2005 - AGRO FOOD, кој свечено го отвори нашиот претседател Бранко Црвенкоски. Јас ја имав таа чест да бидам дел од него, со што го збогатив моето секојдневие со многу случувања и импресии, па ќе пренесам и дел од нив до вас.

Штандот на кој работев беше на Даути Комерц, сместен во првата хала на Скопскиот саем. Даути Комерц е компанија која се знимава со увоз и дистрибуција на голема на производи за широка потрошувачка. На годинешниот Скопски саем беа презентирани дел од светските фирми кои ги застапува Даути Комерц. Тоа се италијанската фирма Parmalat,

од која беа издвоени соковите Santal.

Беше застапена и италијанската фирма Divella, добро позната и реномирана фирма во Италија за тестенини и доматни сосови, формирана во крајот на 19 век.

Значи, мојот работен ден започнуваше во 10 часот со espresso coffee Valentino (италијанско се разбира), кое беше неопходно за да се издржи целото работно време до 20 часот. Него имаа чест да го вкусат сите деловни партнери кои доаѓаа на нашиот штанд, ние „вработените“ и комшиите од соседните штандови. Доколку на некого му недостасуваше шеќер во крвта, можеше да го надополни со колачите на „Александрија“, кои исто така беа застапени на штандот. Но, секако, незаменливи беа макароните, за кои имавме дегустација на третиот и четвртиот ден од саемот. Тие беа припремени во некој од скопските ресторани (со сите специјални сосови и зачини од Италија), донесени на саемот и спремни за дегустирање од страна на сите посетители на саемот. За жал, дегустацијата траеше околу 15-тина минути (иако беше предвиден 1 час), зошто на саемот се покажа дека навистина македонската раја е гладна или е премногу заинтересирана за италијанската кујна. Главни дегустатори на овој саем беа пензионерите, кои ги имаше во голем број. Го посетуваа саемот секој ден, неуморно шетаа од хала до хала и на крајот си одеа со полни најлони храна. Исто како што и ме молеа мене, им досадуваа и на другите, па во еден најлон ќе наполнеа јогурт и млеко, во друг чоколади и сл. Некои беа и толку упорни што ме убедуваа дека треба да им дадам дел од производите кои што беа изложени, па требаше добро да внимаваме да не го „осиромашат“ излогот.

Има уште многу да се пишува за сите случувања за време на саемот и не можат сите да се наведат во само еден пост. Сепак на крај, прекрасно си поминав, запознав многу нови луѓе и научив нешто повеќе за италијанската кујна.

Дали имаш трнчиња?

2005-05-31T16:45:00.000+02:00

СУРОВОСТ

Денес бев себична.
Седев сама, ми пречеше секој.
Размислував за себе,
за мојот живот.
Се прашував колку грешки направив,
дали некого го повредив
или се измачував само себе си.
Чувствував немир.
Бев бесна на себе,
на мојата емотивност и неодлучност.
Самата се поразив.
Осетив празнина...
Посакав нечии раце да ме прегрнат,
да го смират моето срце.
Но, немаше никој.
Бев сама,
зошто ги оттргнав сурово сите околу мене.
Бев иста како и розата.
Имав трнчиња
кои предизвикуваа нечија болка,
па од нив не можеше
да се согледа убавината.
Се запрашав:
Дали некој ќе биде доволно упорен
да го премине сето тоа
насобрано трње?!

Време за поезија

2005-05-14T18:59:00.000+02:00

ПЛАМЕН

Може танцот да те занесе,
може во срцето страдање да носиш,
но ти секој ден ново чудо создаваш,
во тебе гори пламенот на животот.

Некој сака во мигови на среќа
да пламне, да согори опиен,
друг, пак, далекувид и мудар,
на потомството свое ука да му пренесе.

Но, деновите ги губи само оној
чијшто бес низ темнината мрачна гледа,
оној што исполнет со јад, тој пламен на животот
да го сознае никогаш не може.

песна од германскиот писател Hermann Hesse (1877-1962)

Stuck In A Moment

2005-04-28T23:21:00.000+02:00

Дали некогаш сте „заглавиле“ и Вие?!

Јас богами да, баш во овој момент. А моментот би изгледал вака:
- Ве фаќа паника. Срцето забрзано Ви чука од стрaвот на непознатото, што следниот момент ќе го донесе. Ве облева ладна пот. Таму сте Вие сами, против сите на овој свет - немоќни и исплашени. Не знаете зошто не можете да го направите тој чекор напред, кон непознатото, застрашувачкото. Едноставно не сакате тој момент да дојде. Добро Ви е сега, овде. Нема ништо пред, нема ништо потоа, само овој момент. Тука е се што Ви е потребно - самите себе. Се чувствувате моќни, невидливи, недопрени од никого. Тоа е вашиот момент, кој никој не може да ви го одземе. Се препуштате во него без услови и прашања... Вие само го живеете вашиот момент!
Исто како што и чичко Bono вели:

I'm not afraid
Of anything in this world
There's nothing you can throw at me
That I haven't already heard

Уживајте во Вашиот момент.

Удри Брус Ли

2005-04-19T12:20:00.000+02:00

Пред некое време, налетав на овој текст на Интернет, веста е точна:

Bosnians to build a monument to kung fu legend Bruce Lee
September 2, 2004

In Bosnia, where one man's hero is often another man's villain, citizens have decided to honour someone Serbs, Croats and Muslims can all look up to - kung fu great Bruce Lee.

Lee is best remembered for single-handedly taking on dozens of bad guys in a series of kung fu flicks.

But the statue of the Chinese action hero in the ethnically divided city of Mostar is intended to remind people of Lee's lesser known values - "loyalty, friendship, skill and justice", said Veselin Gatalo, a writer who helped come up with the idea.

Еве еден народњачки трибјут за легендата на каратето и идолот на многу (сега веќе возрасни) генерации: Другарот Брус Ли. Авторот е непознат, но многу талентиран. Кој ќе издржи да не ја чуе оваа песна? Линкот е:

http://www.bljesak.info/down/Udri_Brus_Li.mp3

Udri Brus Li

Otišo sam jučeee u bioskop jaaa,
igrao je Brus Liii moja simpatijaaa.

Odmah na početkuuu počelo cepanjeee.
Do tad mirna publikaaa poče s navijanjeee.

Udri Brus Li, ritaj Brus Li, Pobi gi sviii!
Ne daj niko da preživi od ovi ološiii!

Jedan glumac vijeee ne znam da li varaaa.
Brus Li samo bijeee al' se ne zamaraaa.

Pljušte na sve straneee karate udarciii.
Brus Li sve ubijaaa ko da su komarciii.

Udri Brus Li, ritaj Brus Li, Pobi gi sviii!
Ne daj niko da preživi od ovi ološiii!

Brus Li ne prestajeee, sevaju karateee.
Oće sve da ubijeee. Niko živ da nijeee.

Plaču gledaociii. Suze padajuuu.
Žal gi z oni ljudiii, što gi Brus Li ubiii.

Dosta Brus Li brate mili imaj dušu tiii!
Ostavi nam bar jednoga za sledeći fiiilm!

Dosta Brus Li brate mili imaj dušu tiii!
Predstavi bar jednoga za sledeći fiiilm!

Mobilni telefon - kad zora zarudi

2005-04-17T00:57:00.000+02:00

Chameleon-like smart phones do impressions
19.03.2005 00:00:00
A new range of Samsung phones offers built-in cameras with higher resolution than many dedicated cameras, and big-memory MP3 players

Изгледа наскоро „ќе се сликаме“ ако немаме соодветен „мобилни телефон, кад зора зарудииии“. :-)

Во чест на овој пост, а и на Ласер Топаловиќ - Брка, еве го комплетниот текст од неговата песна:

Laser Topalovic Brka
"MOBILNI TELEFON"

Mobilni telefon - kad zora zarudi
Mobilni telefon - on me pesmom budi
Mobilni telefon - siri moje grudi
Mobilni telefon - ja ga imam ljudi!

Ja ga volim vise neg 'leba da jedem
Ja bez njega vise ne mogu da se smejem
Ja ga vise volim od Ramba i rata,
hocu da ga uzmem za rodjenog brata.

Ja sa njime pricam, ja sa njim se setam,
u bioskopu zvonim, u pozoristu smetam
Ja ga vise volim od najlepsih serija
Kasandra, Marisol i Esmeralda su igra decija.

Mobilni telefon - u mraku mi sija
Mobilni telefon - on mi mnogo prija
Mobilni telefon - mazi lice moje,
po njemu me znaju, zbog njega me se boje.

Mobilni telefon - s njim sam k'o u braku
Mobilni telefon - mi daje curu svaku
Mobilni telefon - sa njime se dicim,
pusticu antenu, da na njega licim.

Од брат ми сајтон

2005-04-16T23:44:00.000+02:00

Адресата од сајтот на брат ми е: http://stalevski.tk/. Таму има извадок од најновите вести (А1, Време, МакФакс, Ројтер и Слешдот), еден куп македонски кирилични фонтови, а и конвертор во и од македонска кирилична поддршка.